2016年8月9日 星期二

兩小口的新西蘭鮮鮑體驗


兩小口,唔想食其他嘢,回歸簡單,走咗去食陶源酒家,去食中菜!!


呢度勁大,又光猛,環境舒適,唔會有舊式酒樓般。很新潮的中式酒樓。

前菜,是有青瓜以及腐皮卷~~



一凍一熱!腐皮卷新鮮炸起,好熱,而且脆卜卜的。


黎既目的,係食呢個黑鮑!因為係OPENRICE,見到有得食呢款「新西蘭野生黑金鮑魚」。老公話未食過黑鮑,想知乜嘢樣,所以走黎試一試!

點解叫「黑金鮑魚」?因為新西蘭人叫呢個做Black Gold!吸附係新西蘭海底火山質岩石上。肉質表面有大量礦物質黑膜。唔怪得叫做黑金鮑!


最特別係,一定要人丄潛水的方式捕撈,禁止用任何人工氧氣設備。所以係限量捕捉,想食都無咁易!

而隻野生鮑魚,手掌咁大!XDDDD 食之前,會先俾你望望隻鮑魚,無問題先拎去切片。


吃黑金鮑魚可以有幾款食法,分別有「過橋」、「堂灼」、「油泡」、「燉湯二食」等等。每隻HK$688 隻。而我哋係揀咗最簡單過橋堂灼個款。所以會見到切咗片的黑金鮑魚。


真係黑鮑片,唔係假染色架喎!師父刀工好,切薄片!好正!


會係客人面前,用上高湯過橋堂灼!雖然簡單,但係最可以食到黑鮑魚的鮮甜味!


灼一灼,都有四碗架!好大碟下喎!

而且,黑色的鮑魚,食起上黎爽口非常!而且鮑魚鮮味不是一般食得到。而個鮮甜味,加上個高湯,感覺好好!!


好大塊,而且都幾厚肉架!!


名門雪影蝦球
HK$148

香脆的大蝦球用滾油炸一炸。再淋上沙律醬汁。


令油立感除去,加上沙律醬,都幾開胃!


石窩鮑魚雞煲
HK$268

因為老公好鐘意食雞煲,所以當然要點了!都幾大煲下喎!上枱個時,好惹味、好香!食起上黎,濃而不咸,惹味非常!


拿,堅有鮑魚架,估計起碼有四隻鮑魚架!雞味味收了醬汁,味濃。雞食起上黎不會鞋口,不錯!


最後,食個炒飯作結,又唔係好貴喎一餐,不錯啊~~






Like 我的Fans Page,可以有更多互動有趣的分享哦~~



Staice Blog 頻道: 

Blogspot  。. ゚★  WeShare.hk 。. ゚★ Beauty Life 。. ゚★
The Ztyle  。. ゚★ 
Wretch 。. ゚★ Beauty Exchange 。. ゚★ She Blog。. ゚★
Lady Qooza 。. ゚★ Fashion and Beauty 。. ゚★ Elle Blog 。. ゚★ U Beauty。. ゚★
StyleUp 。. ゚★ SheWin 。. ゚★ Glamabog 。. ゚★ Qooza Beauty 。. ゚★ 88DB 。. ゚★


How to Find Staice:

Email: staice_liu@yahoo.com.hk





Find Staice at Instagram: