2017年6月23日 星期五

十級「友料」!重量海鮮邊爐!


打邊爐,真係一年四季都不會悶!今次有朋友車我哋入土瓜灣,話帶我哋食好嘢!咁當然就一窩瘋跟過去啦~~



呢度仲要係良心企業!每日都會派發飯給有需要的人。很多義工都有參與。



呢度啲位都幾寬闊,坐係度打邊爐都會比較舒服~~ 我哋一行六人,點咗個「友料愛心餐」每位都係HK$188!呢個餐係For四人的,之後我哋再點多其他嘢。



首先,當然係要食返個刺身先啦~~ 呢個係餐入面所包的。呢個刺身份量,又堅係好恨大份呢~~~~~

五款刺身包括:泰式生蝦、北寄貝、肥美三文魚、八爪魚以及冰鎮墨魚。最愛當然是肥美的三文魚了!真的鱒甜且油脂剛剛好!



再黎涼菜冰盤,很大份!說是四人份量,真的很難相信!又係餐入面的哦!有6款嘢食,當中包括:涼拌青瓜、泡椒雞腳、涼拌皮蛋、爽脆豬耳、白鹵水生腸鹵水雞腎。

這個涼菜拼盤,少有地款式好多。而且辣得黎好過癮。最愛豬耳,十分爽脆!又好鬼彈牙!個皮蛋都好正!食咗啲辣汁,辣得好有層次!



打邊爐湯底,揀咗「營養雜菜鍋」!啱晒女人們啦!好多蔬菜,清甜湯底,無油最正!



全場最正,當然係呢個海鮮盤!!超大盤,而且款式都好多哦~~ 成6種海鮮,包括鮑魚、膏蟹、蟶子、海蝦、花甲同埋卜卜蜆。



蟶子雖然細細隻,但係隻隻都好鮮甜味美。而卜卜蜆是我最愛,鮮味十足!愛蟹的朋友,不容錯過膏蟹哦,都好多膏啊~~還有大大隻的鮑魚~~



我哋仲額外點了呢個必食推介!食到想再叫多一煲,真係超級正!「澳門蒜香卜卜蜆煲」HK$148 堅係成煲上,大大煲的。而且卜卜蜆的份量超~~~多的。粒粒都肥美飽滿,食起上黎有著勁量香的牛油以及惹味的蒜香。加上了白酒,醠添味美!辣中帶酒香,加埋入晒味的金菇,超正!



火煱料方面,有這個本寶丸重難月日粒粒都非同凡響!包括:榨菜牛丸、咸蛋豬肉丸、墨魚粒墨魚丸、芝士蝦丸等。睇下個芝士蝦丸,堅係唧晒啲芝士出黎架!



美國肥牛,質素也不錯,份量都幾大。如果想再食好啲,加差額補個安格斯肥牛都得!



必食自家製的即炸響鈴!新鮮炸起,唔點湯,點醬食,好鬼正!極脆,鬆化!好正!



姬㭃茸瑤柱響螺燉冬瓜雞湯鍋
HK$188

成班女,最緊要係滋補,當然要食呢個鍋!極濃極滋補的湯料。好好飲,而且不會油,火喉勁足!一定要黎試下!

友料雞煲海鮮火鍋
土瓜灣土瓜灣道237號益豐大廈A地舖



2017年6月19日 星期一

Starbucks「Think Blue, Act Green」海洋聚會


呢日,被Starbucks與WWF邀請出席活動,係一項好有意義的活動。希望透過活動讓我們「Think Blue,Act Green」。讓我們可以多了解,認識海洋,做到環保海鮮的理念。



抹茶伯爵啫喱星冰樂
愛爾蘭忌廉咖啡布丁星冰樂

同場,發佈了全新的兩款飲品。綠色的「抹茶伯爵啫喱星冰樂」當中,加入了很特別的清新檸檬香以及好有口感的伯爵茶啫喱。令飲品飲起上黎,更有口感。中層及頂層都有著幼滑的鮮忌廉,加迾抹茶粉,除了裝飾之外,更可以增添抹茶的口味。



而我比較喜歡這個「愛爾蘭忌廉咖啡布丁星冰樂」,配以愛爾蘭忌廉咖啡忌廉糖漿。仲要加埋咖啡布丁。而咖啡的香滑,加上了布丁的質感,有口感之餘又好好飲。



為咗響應「Think Blue Act Green」可持續發展計劃,並依據世界自然基金會香港分會的海鮮指引挑選環保海鮮,設計出一系列清新美味食品。以及推出一套環保餐具添~~



1) 檸檬蒜香大蝦牛油果醬三文治

於鬆軟的奶油麵包內放滿檸檬蒜香大蝦,再抹上香濃惹味的牛油果醬,於進食前唧上清新的檸檬汁,絕對是抵抗炎夏的清新之選。


2) 千島醬大蝦菠蘿沙律烤卷

這個烤卷由不同新鮮的食材組合而成,包括大蝦、菠蘿、蕃茄及青瓜,再加入香濃的千島醬,湊成專屬夏日的清新滋味。




3) 泰式大蝦青木瓜沙律

以清新的青木瓜絲、大蝦及爽口蔬菜湊成這款充滿泰式風味的沙律。配搭惹味的泰式醬汁一同品嚐,這款沙律勢必成為你的夏日輕食之選。




4) 三文魚蘆筍蛋批

豐腴的煙三文魚配搭鮮嫩的蘆筍一同焗製,蛋批甫出爐,滿室瀰漫著芝士和雞蛋的誘人芳香,每一口也令人回味無窮,不妨與你最喜愛的咖啡一同品嚐。


5) 三文魚忌廉芝士三文治 (半份)

經典的三文魚忌廉芝士配搭我們的多穀麵包,是配搭烘包以外的一個美妙選擇。




由於香港是亞洲人均海鮮消耗量第二高的地區,全球排行第八,全年海鮮總消耗量超過47.1萬噸,即平均每名香港人於一年間消耗65.5公斤海鮮,較全球人均食用量高出多於3倍。如果現在持續係咁食海鮮落去,將來三十年後,呢個「泰式大蝦青木瓜沙律」將會無大蝦係入面了。所以為咗響應環保海鮮,我哋一齊努力,支持Starbucks &WWF的活動吧?!



Like 我的Fans Page,可以有更多互動有趣的分享哦~~



2017年6月18日 星期日

與「高跟閨蜜」祖兒的約會。.*


作為OSIM用家以為愛戴者,又點可以錯過OSIM的高跟閨蜜Party!今次發佈會,係推出全新的uStiletto 高跟閨蜜。



仲一口氣推出三個版,一改以往的按摩機死板的風格!分別有:
1. 高雅版(頂)
2. 可愛版(中)
3. 愛家版(下)

三款都有著高跟鞋的圖案在內,再根據三個「高雅」、「可愛」以及「愛家」元素,再設計出不同的圖案版本,三款都好靚呢~~





場內更準備咗一系列的點心甜品給到Party的美女們呢~~



而且仲有香薰Workshop俾到場嘅人做手作仔,好有心思~~



Party開始,一開場就係主持人男仕著住幾吋高的高跟鞋出場。話要體驗一下愛美女仕們又要靚、又著得辛苦的體驗。短短幾分鐘,就完全體會到高跟鞋的美與腳的修長。同時也是十分辛苦!



為咗配合主題,還有小型的Fashion Show,都係配合返「高雅」、「可愛」以及「愛家」元素呢~~



場內高潮,當然係星級樂壇一姐祖兒出場啦~~~



作為高跟鞋的愛戴者,又點可以唔出席任何活動都著住佢。就連演唱會,都一定要著住五六吋高的高跟鞋添呢~~



祖兒仲係活動度,同大家分享著高跟鞋的驚險與趣事。同時,都有因為著完高跟鞋後,變得雙腳酸軟、脹痛的感覺。而家,Osim推出的高跟閨蜜,就正正因應愛著高跟鞋的女仕們而設 多款不同的按摩程式,均是針對不同情況下著高跟鞋女任們各位腳部情況而設立的程式。



而祖兒最愛,是這部高跟閨蜜好細部、好輕。而且個圖紋仲好靚好Fashion添~~



Sim高跟閨蜜
HK$2888

價錢真的好平!HK$2888就可以買到,超平哦!而且只有6.6KG重,任何女任都可以拎得起。細細部,每間屋都可以容納得到!



當中使用了S-Tone美腿氣壓,可以全包圍式將腳踝、足部以及小腿都可以包覆好。全包覆式的氣壓按摩,完全針對高跟鞋容易疲累的位置而設。

S-Care護足滾輪,還可以刺激腳底反射區,促進全身循環,提升身心健康。仲可以特別於腳趾、足弓及腳跟部份設置強力反射滾輪,加強紓緩足部壓力。



五大按摩程式可以選擇,同時還有溫熱功能,可以有助改善腳部血液循環不好而腳凍的問題添。

而且,內層布套仲可以輕鬆拆除清洗,更加衛生!小腿部份,仲有拉鏈設計,可以調整不同呎吋的雙腿。



按上一Part後,雙腳頓時變輕了不少呢~~

咁可愛、咁靚而且又平又實用的高跟閨蜜,應該大家都想要吧?想要了解更多?可以到OSIM門巿還是網站了解更多。

http://www.osim.com/HKC/product/ustiletto-presale.aspx?category_id=B99FC877-8557-400D-9709-C6A5D8676





Like 我的Fans Page,可以有更多互動有趣的分享哦~~


2017年6月15日 星期四

大坑西餐。.* 浪漫撐枱腳


同老公二人世界去撐枱腳,去咗大坑的Bovini Steakhouse&Bar



二人套餐,七百幾至一千元不等。兩個一定係黎食上最貴的!話到明要撐枱腳啊~~

先黎食返個蒜溶包。好有誠意地是成個上。每一片都塗滿滿的蒜溶牛油,夠晒多先夠香夠好味。



Starter - Classic Caesar Salad



沙律的份量不是很多,只是細細的一碗,但還有一片法包及煙肉,可以整碎溝入個沙律食都可以。



Home-Made Crab Cake with Tartar Sauce 

很喜歡這個蟹餅,用上的蟹肉份量很多,每一啖都食到絲絲的蟹肉絲。蟹肉味都很濃郁,十分不錯。



Soup - Lobster Bisque

湯方面,有這個龍蝦湯。雖不是整隻龍蝦上,但湯入面也當真是有龍蝦肉、帶子肉係入面。令個湯更增添了一分的鮮味。



Soup - Wild Mushroom

另一款,是經典的蘑菇湯!將新鮮蘑菇打溶混入去湯伐面,食到粒粒的蘑菇呢~~



Risotto - Ossobuco Risotto 

這是用上很多時間漫煮既牛臉肉。煮到很軟腍而且十分入味。而Risotto的每一粒飯都有著濃厚的湯汁係入面。



USDA Prime Grade Rib Eye Steak 14oz

14安士的肉眼,都好大塊啊。半成熟,煎得好鬼靚!



淋上了特別的醬汁,食起上黎除了有醬,還有著濃郁的牛味。軟腍而不會有肉渣,食起上黎很不錯。



Onion Ring

大大串的洋蔥圈,真的很巨型!如果是薄一點,就會更加脆口。



Bovini Steakhouse&Bar
大坑銅鑼灣道128號地舖


2017年6月14日 星期三

芒果盛宴!花月庭芒果下午茶自助餐~


夏日將至,又係芒果既季節。帝京酒店的花月庭,推出了「清甜香芒初夏【燕】下午茶自助餐」。



出咗名多人食既花月庭自助餐,一早Book定位,就唔怕黎到白撞無位坐啦。



點咗一杯朱古力茶,微甜,微微的朱古力香,又幾特別~~



女孩子第一時間當然係去了甜品區。過半的芒果甜品,全部都好吸引人。形形式式,總找到你所喜歡的。當然還有非芒果類的甜品了!



有蛋糕、慕絲、撻類的甜品。



也有朱古力、啫喱等等的甜品哦~~



更有Movipick的雪糕呢~~



咸點方面,有咖喱牛肉酥、牛油焗粟米。



就連碗仔翅、生菜魚肉都有得你食。當然還少不了有點心、面食、Pizza等等添。



仲有越式米紙卷,即叫即卷。仲有腸粉、多士添呢~~



重點甜品,是這個香芒燕窩千層酥。造型好靚呢~~



其實是拿破崙的造法,中間夾有芒果慕絲,頂層還舖有燕窩絲了呢。一口咬落去,酥化的皮層,食起上黎,很有層次與口感。而且不太甜,好味!



還有這個芒果千層蛋糕,整得金光閃閃的,很美啊~



一層蛋糕一層芒果醬,食起上黎食到「千層」的感覺,很有趣。這個芒果味不會太濃,是清一點的口味。



還有72%黑朱古力焦糖杏仁慕絲伴鮮芒 (中)
異國情調香芒和椰子慕絲伴燕窩 (下)
芒果綿花糖朱古力棒 (上)

想不到,不同的芒果,配上不同的食材會有不同的甜品出現哦!中間的異國情調香芒和椰子慕絲伴燕窩是芒果味最濃的。比較是像慕絲的質地。



72%黑朱古力焦糖杏仁慕絲伴鮮芒,這一道比較甜一點,因為有著朱古力,但朱古力是用上72%的黑朱古力,個人覺得朱古力味可以更濃一點。



芒果綿花糖朱古力棒,外形很可愛,有著朱古力米脆脆,中層是朱古力醬,內裡則是棉花線,幾特別~~


由即日至6月25日,星期六日及公眾假期的15:15-17:15就有呢個自助餐食啦~~
成日:HK$258
小童:HK$178

香港九龍太子道西193號帝京酒店2樓
訂座電話:2622 6154







Like 我的Fans Page,可以有更多互動有趣的分享哦~~