2016年2月10日 星期三

甜蜜蜜怪獸 @ IT Sweet Monster


IT 估唔到都殺入甜品界!開咗間Sweet Monster~~~ 店舖外觀又幾吸引~~ 簡單的甜品雪糕屋,無乜嘢枱,得兩張子圓企枱,俾人外賣拎走居多。



有可愛的icon公仔,monster。女孩子被吸引的關鍵之一。



店內,除咗雪糕,還有爆谷賣。有著不同的包裝,還有鐵盒,買黎送人又幾靚喎!



Strawberry Tiramisu x Ice Cream
士多啤梨提拉米拼雪糕
HK$59

其中一款甜品,係Tiramisu x 雪糕的。一共有四款口味,分別是原味、開心果、香蕉以及士多啤梨。



Tiramisu 芝士餅,份量都唔細,在軟雪糕上,淋上了士多啤梨醬,賣相都幾吸引。原本想食開心果,但賣晒,相信這是最好賣的一款吧?



軟雪糕的奶香都幾重,食到幾足料,不會溝太多的水。雪糕的質感夠硬淨,不會很易溶。感覺不錯。

而個Tiramisu芝士餅,都值得一讚。手指餅底不會太濕太淋,個蛋糕底做得唔錯。芝士夠香夠濃郁。

份量是剛好,再大一點,應該也食不完了!



Caramel Macchiato
焦糖咖啡雪糕
HK$37

又一賣相吸引的雪糕~~ 又係有四款口味,雪糕底都係一樣牛奶的。但個TOP 加啲乜,就有啲唔同。分別有原味牛奶雪糕、朱古力曲奇雪糕、雞蛋曲奇雪糕及焦糖咖啡雪糕四款。店員話呢個多人讚,所以揀呢個。



牛奶軟雪糕上,淋上了香濃的咖啡以及焦糖,微甜之間有著咖啡香。與牛奶雪糕拼在一起,也很好食。咖啡控少不了要試一試!



悉逢新年期間,所以買咗兩款爆谷返去,開P食最好!!



一共有五款口味的爆谷,但包裝有分鐵盒同埋紙盒。這一款是圓筒粉紅鐵盒,可以食完留返再用。盒頂仲有得寫上字,送禮都好靚架!



有ZIP 口包裝,這一款是芝士焦糖爆谷。還有其他口味是:焦糖爆谷、奶油爆谷、士多啤梨爆谷及朱古力爆谷。

每一款,無論是什麼包裝都有ZIP口的,對封存上就更加好了!

這個芝士焦糖味,焦糖較為出色。個芝士爆谷會林咗少少,焦糖夠脆。合併食還是不錯的。



另一款係紙盒裝



盒邊會畫上你揀的口味,以便分辦!


奶油爆谷,呢個甜甜地,其實幾好食!夠脆,而且也算比較少有。還好,甜得黎不會死甜,有點點奶香。

以價錢講,幾十元的一款,其實都唔貴。雪糕類都好大杯,算係幾抵食。爆谷也不錯,可以買返去一試!

Sweet Monster
尖沙咀廣東道30號新港中心1樓115-116號舖




Like 我的Fans Page,可以有更多互動有趣的分享哦~~



Staice Blog 頻道: 

Blogspot  。. ゚★  WeShare.hk 。. ゚★ Beauty Life 。. ゚★
The Ztyle  。. ゚★ 
Wretch 。. ゚★ Beauty Exchange 。. ゚★ She Blog。. ゚★
Lady Qooza 。. ゚★ Fashion and Beauty 。. ゚★ Elle Blog 。. ゚★ U Beauty。. ゚★
StyleUp 。. ゚★ SheWin 。. ゚★ Glamabog 。. ゚★ Qooza Beauty 。. ゚★ 88DB 。. ゚★


How to Find Staice:

Email: staice_liu@yahoo.com.hk



Find Staice at Instagram: