2016年2月3日 星期三

蒸鍋大熱。.* 特式有蒸氣!


近年蒸鍋大熱!相比打邊爐,蒸鍋又真係無咁熱氣,又可以係凍冰冰的冬天食到暖笠笠,唔怪得人人都愛食。天文台道呢一間,近排同朋友去過,又覺得相比一般蒸鍋,呢個會黎得更多選擇。

環境都唔錯,啲枱夠晒大張!而且個蒸爐本身就有得SET時間,夠鐘就響,夠晒方便。



先黎個刺身拼盤,有象拔蚌仔同埋甜蝦刺身。超新鮮!而且鮮甜度十足!原來打卡都會有得送象拔蚌仔或甜蝦刺身,黎到唔可以放過這個優惠!



呢度仲有前菜食!秘製花甲HK$68,有點像是花雕酒的做法,有點兒酒味,冷盤,幾好食。



預備要蒸嘢食,當然要自調自家醬料先~~



南瓜滑雞粥底HK$88

先係個鍋底放上米、雞肉以及南瓜粒!之後就可以蒸嘢食啦~~



你以為係打邊爐食?錯晒原來係蒸黎食的!這個是海膽墨魚滑!



呢個係黑松露蝦滑



想不到,蒸鍋會有這類的食物,打得很彈牙,好特別!



大蜆 HK$88斤

呢度啲海鮮認真新鮮,無任何調味下食,都係鮮甜度十足的。而且無沙呢~~



鑽石蜆 HK$138斤

未食過大過個饅頭的蜆,蒸的時間要耐少少,但個種鮮甜不是一般的蜆類可以相比!還有少少海水的鹽水味,厚肉度非常勁!啖啖肉~~



黑松露粉絲蒸蟶子皇
HK$58 / 隻

不要以為是豉汁,而係黑松露!好名貴喎~ 但咁大隻,HK$58都合理。未開始蒸,就已經好大陣黑松露的香味啦~~~



仲有黃金雙蒜蒸蟶子皇,比起一般就咁用蒜蓉蒸,呢個會多了一重的蒜香感。因為加入了抄過的蒜蓉。



黑松露會味道獨特幽香。金蒜就惹味非常!蟶子皇大大隻,勁鮮甜!



雞油蒸鮑魚 HK$88 隻

大量的薑蔥,加上了香香的雞油去蒸這個鮑魚,又另有一番味道。



鮑魚爽口,肉很厚實,雞油淋了上去,蒸完後有種香滑感。



成隻手臂咁長的斑馬瀨尿蝦,更加吸引人!單睇個尾部,就見到啲膏多到爆了!






蒸完後,肉質鮮甜,勁厚的黃金色的蝦膏,香濃無比!



私房菜,仲有呢個好鬼正的!「花雕蛋白蒸蟹」HK$288。好大隻的肉蟹!而且花雕香味恰到好處。用花雕吊味後,更令蟹肉鮮味出晒黎。個蛋白超滑的。



黃金蒜蒸扇貝 HK$48 隻
手掌咁大的扇貝,淋上了很多的生及熟蒜,蒸完梗係好香。而且勁厚肉呢~~



呢個海膽豆腐認真正!勁多的海膽同埋蟹膏蟹籽溝埋個滑滑薄片豆腐食,滑溜非常!!



最後食返個靚靚粥底,好滿足!真材實料,無加過水架!正!精華所在~~

呢度除咗海鮮,我見仲有人蒸和牛、滑雞等等,真係好多款式喎~~

有蒸氣海鮮石鍋專門店
尖沙咀天文臺圍5-9號寶軒酒店1樓





Like 我的Fans Page,可以有更多互動有趣的分享哦~~



Staice Blog 頻道: 

Blogspot  。. ゚★  WeShare.hk 。. ゚★ Beauty Life 。. ゚★
The Ztyle  。. ゚★ 
Wretch 。. ゚★ Beauty Exchange 。. ゚★ She Blog。. ゚★
Lady Qooza 。. ゚★ Fashion and Beauty 。. ゚★ Elle Blog 。. ゚★ U Beauty。. ゚★
StyleUp 。. ゚★ SheWin 。. ゚★ Glamabog 。. ゚★ Qooza Beauty 。. ゚★ 88DB 。. ゚★


How to Find Staice:

Email: staice_liu@yahoo.com.hk




Find Staice at Instagram: