2012年7月30日 星期一

北上搵食。點會唔食!

全因Staice 大帝男友成日要返大陸做嘢。
所以,有時遇上假期,我都會北上搵佢。
其實,為0既係「搵食」!

近近地,先黎去到羅湖商業城5樓的「丹桂軒」!!!


叫咗個莧菜魚湯,湯佢有菜又有湯!
以為個湯只係為咗濕濕個菜無咁寡!
點知,魚湯又真係幾好飲。唔係味精湯!~


再黎個砂鍋焗雞。
雞是比較乾身,無湯汁的。
與其說是砂鍋焗雞,倒不如說是砂鍋裝住0既鹽焗雞!
都係卓頭罷了!


粉絲蒸帶子!
係大陸食海鮮,出名地平!
咁大隻,都係幾蚊一隻咋!好抵!

如果,豉油汁可以多少少,粉絲唔好蒸到咁乾,咁就very good~~


陳皮蒸鮑魚。
以為咁大隻好貴?其實都係十幾一隻。


鮑魚夠厚魚!也幾爽脆。
但略嫌陳皮只有幾條,不夠香、不夠味。
我覺得似係豉汁蒸多啲!


最後甜品,叫咗半打炸曼頭。
炸得很好!外皮十分鬆脆。
內在又十分鬆軟。
沾上鍊奶,真是停不到口地食!!

其實,丹桂軒食過幾次。
價位係高一點的中菜館。
如果多啲人一齊黎,叫多啲餸就會化算一點。




Staice Blog 頻道: