2016年4月29日 星期五

香港的東大門。地道抵食韓國燒烤自助餐!


想要試試抵食又地道的韓式烤肉,旺角區,就當然係東大門!喜歡這裡的抽煙系統做得好。而且座位也十分舒服呢~~~



呢度主打自助任食韓式烤肉。少不了牛舌、牛肋骨、五花腩等等韓國著名的烤肉。也有不少海鮮等等!



餐牌還可以另外再點韓式炆牛肋骨煲、芝士海鮮薄餅、韓式炒年糕等等的小食。呢一類就另外加錢。但都是幾十至百多元不等,其實都好鬼抵食!

而今期,fb like 東大門,仲有「柚子單骨雞翼」同埋「韓式炒年糕」免費請你食!我同大帝當然唔執輸了!!XDDDDD



飲品方面,有六七款無酒精飲品,有汽無汽任你點。我哋揀咗其中三款。仲可以加錢飲韓國空運到港的真露米酒、白露米酒、燒酒等等添。



單是前菜,就見到誠意十足!我哋兩個人,都俾足六碟前菜小食!超正!全部自己整,不是外購預先整好的食材。更為適合時節及新鮮!



值得一讚是這裡的泡菜。自己醃製,酸辣度都做得很好。除了這款,還有辣蘿蔔可以揀。手快有、手慢無!



免費請食的「柚子單骨雞翼」,不要以為請你食,就做得求求其其。其柚子香可是一放落枱就令你流晒口水。勁熱、睇都睇得出新鮮出爐。柚子醬汁微微酸酸甜甜很是開胃。雞翼入味而且香脆!如果唔夠喉,要多碟都係HK$32咋!



另外值得一試的是韓式牛肋骨煲,大0既HK$168、細0既HK$88。呢個煲可真不得了!個牛肋骨入味非常而且十分軟腍。而就連個配菜紅、白蘿蔔都十分入味。而且個汁好味得黎唔會油。真係必叫之選。



好啦,講完要俾錢個啲,再講啲任食的!必要食是牛肋骨。少少調味,但不會很多。牛肋骨嫩滑而且無雪味。牛味濃郁,燒完後嫩滑好味。



想不到就連普通牛肉都可以咁有牛味!平時不喜歡食醃過的肉,會覺得好似唔新鮮咁。呢度啲肉呢就好少醃,多算食原汁原味。



另外,豬方面,五花腩以及牛脷也是必食的。薄薄一片,輕輕燒一燒就已經好好味。肥瘦度適中,唔使包菜食都好味呢~~



其他醃過的肉類,則是食另一風味。這一個是「泰式香茅豬扒」簡單燒完,很鬆化的豬扒肉。而且調味不會過份濃郁,是恰到好處。肉質令人回味。



泰式咖哩雞肉串,想不到這個也有驚喜。以為是一味死辣,點知呢個絕對唔係!雞肉調味不太多,有著咖喱香、同時也食到雞肉的雞味以及肉質的嫩滑。



海鮮方面,有大大隻的海鮮,肉質結實。如果是煤的蝦可不會是肉質結實的,所以新鮮度不俗。



呢度還有驚喜的花甲。雖然細細隻,但夠晒新鮮食到有海水味!!



仲有海墨魚仔、海魷魚等等。如果唔係食肉獸,呢度都仲有好多選擇俾你。

肉類的款式有近二十種。海鮮類也有十種之多,更有金菇肥牛卷、冬菇等等。少有任食自助餐韓式燒肉唔係一味食肉呢!

呢度仲有甜品區等等,但因為食得太飽,所以我哋都食唔落啦~~ HAHA 勁勁勁大滿足呢~~

東大門韓國料理
旺角西洋菜南街51號友誠商業中心5樓
2398 3777 
2396 7757








Like 我的Fans Page,可以有更多互動有趣的分享哦~~



Staice Blog 頻道: 

Blogspot  。. ゚★  WeShare.hk 。. ゚★ Beauty Life 。. ゚★
The Ztyle  。. ゚★ 
Wretch 。. ゚★ Beauty Exchange 。. ゚★ She Blog。. ゚★
Lady Qooza 。. ゚★ Fashion and Beauty 。. ゚★ Elle Blog 。. ゚★ U Beauty。. ゚★
StyleUp 。. ゚★ SheWin 。. ゚★ Glamabog 。. ゚★ Qooza Beauty 。. ゚★ 88DB 。. ゚★


How to Find Staice:

Email: staice_liu@yahoo.com.hk



Find Staice at Instagram:



沒有留言:

張貼留言