2016年1月17日 星期日

豪食!貴價版的居酒食堂!


居酒屋,原來都可以食得好豪同埋好有創意!唔係跟朋友去食,都唔知有啲咁特別0既嘢!!

S2 Kitchen,雖然舖細細但原來內有驚喜!!



黎得呢類居酒屋食堂,當然要飲日本清酒。用上呢類器皿去裝,中間會有冰水座住清酒,但不會令到酒味變淡,很好的設計呢~~



刺身拼盤,勁新鮮!多款刺身是新鮮現切。食到日本空運到港的刺身。



酸汁水母 HK$88
腦天刺身 HK$98 
日本三文魚 HK$48
粒貝 HK$268 (按重量而定)
北寄貝 HK$138 / 隻


當中,最喜歡的是腦天刺身,指的是吞拿魚頭頂肉。還要是激厚切!入口即溶肥而不膩,令人一食愛上。

而爽口之選,有著酸汁水母,連埋沖澠海葡萄一齊食,十分有口感!爽脆非常!

北寄貝,並不是平時食開的紅色,因為這是活北寄貝哦。鮮度可不是一般的可以相比。



S2 Kitchen的招牌菜式,一定非這個海膽杯莫蜀了!分別有十層,層層用上新鮮海鮮刺身去砌成!



海膽杯 HK$438

睇到呢張圖都覺得勁呢?!一個杯,有著十款味道,不同口感。整個日本海都俾你一次過食晒了!!



當中的食材,有爽口的也有肥美的。每一層將相同口感的食材分開,令你食的時候會有更多的變化。這裡用了三份一板的紫海膽去做這個海膽杯!所以很豪氣呢!



富杮沙律 HK$88

這個沙律用了一整個的富有肺去做,加上蟹子、醬汁以及青瓜粒等。很清新爽脆!而且富有腩清甜好味,很喜歡這個沙律呢~~



海膽燒原隻大虎蝦 HK$158 

激大隻的虎蝦,並不是簡簡單單地用炭火燒,而是加上了海膽以及蟹子。食起上黎多了海膽的甘香以及蟹子的口感。



激大舊的海膽,令人流晒口水~~



鮑魚雞翼 HK$68 / 隻

平時食乜乜釀雞翼就食得多,原隻鮑魚釀入去都係第一次!!



隻鮑魚大到飛出黎啦!雞翼是用上中翼去釀,如果全翼就仲好。而家咁食,鮑魚的感覺比較搶同突出。整體黎講,好食的,但爱食雞翼的朋友,還是覺得雞翼size大一啲就更加好!

A5和牛師傳發版 HK$688 / 位。師傳會因應當日食材去做和牛的不同食法。一般會有六七款的。呢度講其中幾樣啦~~



和牛刺身、和牛壽司

第一次食咁靚的和牛刺身及壽司。平時唔夠食,怕啲牛唔新鮮。但這是A5和牛的級數,點都要一試。



刺身和牛,入口感受著它的雪花以及在口腔內溶化。好食到不得了!兩三片真的不夠喉呢~~
雪花分佈均勻,牛味令人回味非常!!

再黎試試A5和牛的SHABU SHABU~~ 用上紙鍋做法,好地道的日本菜式。



用上枝豆做湯底,極特別!豆湯會比較濃郁,入面仲有啲蔬菜及什菇。

和牛係咁易滾一滾就OK,唔使咁耐時間。入口綿滑,雪花在口腔中溶化,正!!!



最後,還要大讚的是這個冷麵,麵質爽得黎有咬口,啜起黎很滑溜!呢個係驚喜之作!好好味!個麵都幾大碟下,大家要兩個人SHARE啊!


S2 Kitchen
中環威靈頓街51號地下A舖




Like 我的Fans Page,可以有更多互動有趣的分享哦~~

沒有留言:

張貼留言