2016年1月7日 星期四

泰東北的特式泰國菜


非一般的豪食泰國菜,你想不到會有泰式的大豬手、有花膠、仲有大肉蟹!!!原來泰菜都可以咁多種類!!



這一間,我耐唔耐都會去食一次。又到CWB,就上去跟老公大帝再食了!



泰式生蝦刺身
HK$118

黎食泰國菜,指定動作一定係食生蝦刺身!!生蝦都好大隻下,而且新鮮,個醬汁比一般的泰國餐廳會惹味一點。紅綠辣椒,都辣得好勁下!



蕉花鮮蝦沙律

唔講得笑的是大蝦真係勁大粒,而且彈牙非常!!!這個沙律,以香蕉花襯托、再有肉絲花生水果絲等等。很有趣的一道沙律!!



秘制黑椒豬手
HK$198

作為豬手控,一見到不能不食吧!你可以要求原隻上或者切開!我就鐘意先影相,所以原隻上!XD



勁大隻的豬手,炸得金黃色的,香氣飄飄,好鬼正!!



切開後,再淋上特制的黑椒泰式醬汁,香辣惹味度即時提升!!十分欣常外層的卜卜脆,但內裡肉嫩甘香。其實就咁食都好好味,也不會油立立的。夠乾身!



黎呢度,我仲好鐘意食牛!呢度0既泰式燒牛扒,會用炭火燒到很香,然後再點上香辣的醬汁黎食,愛牛愛辣的人,不能錯過。



泰東北冬蔭清湯
HK$68

成個小鍋咁上,一人一鍋其實好飽!平時食的冬蔭公是茄味濃,又酸又辣!這個泰東北冬蔭清湯,我只係呢度飲過,雖然任有酸辣的味道,但係感覺更加清新。用上的湯頭十分清香,飲起上黎順喉得多。清新之作。



泰式砂煲花膠
HK$398

食豪了一點,點了這個花膠黎食!想不到,料很足!花膠都好多呢~~ 熱辣辣上台,基本上唔使落醋都好好味!滾燙的花膠,食時要小心。加上足料大花菇,湯頭都很味美。



看,舊舊花膠都成個匙咁大隻呢!



泰式黑椒大肉蟹

勁香勁大隻!而且個醬汁仲好濃郁!黑椒味十分惹味,而且辣度都幾足。



大肉蟹,肉質很嫩,蟹味都出!!蟹鉗好大隻呢~~



最後食返個芒果糯米飯甜品。



仲有千層椰汁糕作結,勁飽!

SOI 18
銅鑼灣告士打道280號世貿中心1302B室







Like 我的Fans Page,可以有更多互動有趣的分享哦~~



Staice Blog 頻道: 

Blogspot  。. ゚★  WeShare.hk 。. ゚★ Beauty Life 。. ゚★
The Ztyle  。. ゚★ 
Wretch 。. ゚★ Beauty Exchange 。. ゚★ She Blog。. ゚★
Lady Qooza 。. ゚★ Fashion and Beauty 。. ゚★ Elle Blog 。. ゚★ U Beauty。. ゚★
StyleUp 。. ゚★ SheWin 。. ゚★ Glamabog 。. ゚★ Qooza Beauty 。. ゚★ 88DB 。. ゚★


How to Find Staice:

Email: staice_liu@yahoo.com.hk



Find Staice at Instagram: