2017年5月24日 星期三

澳門酒店奢華享受。.* 江戶日本料理


黎澳門,仲係咁OUT食水蟹粥?傻既咩!可以食啲高質素,但係又抵過香港的日本料理哦~~^^

因為澳門有好多五星級大酒店。而且,高檔商場都有好多,所以都有唔少質素好高的餐廳。日本菜,就當然唔少得!



係MGM酒店附近,就有呢間江戶日本料理。係正大商場及酒店隔理,裝潢當然有返咁上下。



有著五星級大廚的功架,裝潢以及所有嘢都一絲不苟。



適逢呢度25週年,原來都推出咗二人套餐,又幾抵食。



准山。合桃燒女子。芒果蟹籽沙律

前菜,十分有心思的三款小碟。擺盤都好靚呢~~



醫油漬准山,我很喜歡的一樣。用上爽脆的准山,加上濃郁的醬油,食落口,不會油,反倒是清新而爽口的感覺。

合桃燒女子,是炸過的小魚乾。加上日本醬油入味,拌上脆口及白芝蔴的合桃,有著多重口感。

另一款開胃之選,就是芒果蟹籽沙律,芒果不酸,甜而清新。加上爽脆青瓜以及蟹籽,食落更Fresh~



刺身盤

不再是一般的大大碟冰俾你!呢度高檔得多!每一款都有唔同擺法,很有藝術感~左起:吞拿魚、油甘魚、甜蝦、三文魚、帶子。



火炙吞拿魚以原粒上,厚切,外層微香,中間吞拿魚新鮮且有著魚油香氣。薄切油甘魚,薄得半透明,晶瑩剔透,很美~~



海膽燒生蠔

平時食生蠔就食得多,用海膽都係第一次!除咗海膽仲溝有火腿粒。食起上黎,除咗有海膽的香滑質感,仲有火腿的咸香。而生蠔也不會燒得過熟。保留蠔的美味~



壽司方面,有我至愛的鰻魚壽司。用上關西風箱壓鰻魚壽司。鰻魚肥美,加上個醬汁,大愛。而另一邊圓粒的,是火炙左口裙邊壽司。圓圓的,好可愛。外層微微火炙過後,食起上黎無咁油,多了一份炭香感。



天婦羅方面,有大大隻的天婦羅蝦,還有日本南瓜以及日本青椒。以可愛的小網盛上,很美呢~



當然,最愛是粉醬不厚,薄薄一層。而且不會有油炸過後的油油感覺。很干身,師父做得很好呢。



日本芽菜炒黑菇

不要看這個平平無奇,其實呢個很好食。可以見到,選材之用心!



用上肥美的日本芽菜,短而肥,咬落去很清甜多汁!平時愛食菇,即時覺得黑菇也只不過是配菜。大廚微微調一調味,就人日戈女出原先食材的甘甜!



鐵板宮崎和牛薄燒

牛魔王的我,總可以錯過這一款。用上宮崎和牛鐵板燒後再卷上那香膽的蒜片與蔥花。



肉汁豐滿而且牛味濃郁。配上香蒜,多一層脆口的口感。而蔥,更好地中和了肉油的感覺。



味噌湯與鵝肝炒飯。飯是干身而且粒粒分明,只是略嫌鵝干不夠香、量也不夠多。我是比較喜歡飯是蛋多一點的,個人喜好~^^



焦糖抹茶布甸,用上日本抹茶,夠晒濃郁。新鮮即點即燒上面層焦糖,暖住上,更添誠意。女生們必定大愛了吧?

除了二人套餐,還有一款25週年的菜式推出。係度試咗兩三款:



碎吞拿魚腩多士



大愛這一款!用上新鮮吞拿魚,做成他他碎上,肥美得很!加上多士,食上兩三件也不會過份。



柚子酢欖油拌油甘魚

呢一碟絕對是藝術品了吧?很美哦~~



配上大量蔬菜同日本紅蘿蔔仔。加上幾款醬汁俾客人點,用盡了心思。

江戶日本料理
澳門南灣壹號廣場236-238號
2872 2829






Like 我的Fans Page,可以有更多互動有趣的分享哦~~