2016年3月21日 星期一

特式墨西哥風味菜Verda Mar


墨西哥菜式,我就真係好少食!跟住朋友黎,試到新嘢!!



位於灣仔旺區的Verde Mar,地段方便易搵。而且,環境都好得!!



開放式格局,有啲似酒吧的餐館感覺。一班人黎食,特別開心!!



先黎試咗店員介紹的絡神花飲品,酸酸味味的,很是開胃!



Oaxaca Cheese Fundido w Homemade Chorizo
芝士辣肉腸

呢一道,絕對是芝士控之選!用黎飲酒食,作為佐酒菜式都係一流!!左邊,一盤粟米脆片,熱辣辣的,更是卜卜脆得很!!


 
用上上等墨西哥特產瓦哈卡芝士,在鐵板上燒至半溶狀態。加上自家秘制的墨西哥辣肉腸碎。沾上粟米脆,超正!!



Snapper Ceviche with Avocado
這種煮法的魚,第一次試。用上刺身級的紅魚,而配料也是十分之多。當中包括有牛油果、青檸、蕃茄、芫茜等等。

魚肉外邊是微微煎香,有點兒脆,但魚肉肉身很滑溜,無乜骨。配上微酸醬汁,好開胃,一點油0既感覺都無



Shrimp Diablo

生蝦,食開泰式的刺身,也可以試試這一款。個醬汁的辣度,比起泰式的更為濃以及持久一點。喜歡挑戰辣的朋友,可以試一試。



Char Grilled Cactus
烤仙人掌,用上由墨西哥空運到港的新鮮仙人掌,揀選6-12個月大的食用仙人掌去烤。第一次試,是極度清新的!有點像是山葵。唔講唔知,原來對排毒是極好的一道菜式。



Fish Chicharan
這個炸魚柳,是我超喜歡的一道!鬆化得很!而且丁點油的感覺都無!內裡肉質嫩滑。加上個調味粉,十分惹味,用黎佐啤酒,簡直一流!!



7 Sea Soup

這個用上七種海鮮配料,鮮味十分的湯!絕對值得一試!一上枱,個海鮮味都幾濃郁。數一數,內裡的海鮮好多款:大蝦、青口、蜆、魷魚等等。



飲之前,要倒晒呢堆配料入去,個湯除了有海鮮的鮮味,仲會有點酸酸尾尾的感覺。丁點兒的辣,好飲!!



Whole Chargrilled Chicken
墨西哥烤雞

這個雞,真係要一食再食!因為用了一日時間醃制,入晒味之餘,個香料是用上特別的墨西哥achiote,個味香得黎好惹味!



隻雞,是即叫即焗,雖等要點時間,但新鮮出爐,十分好食!雞肉是極度嫩滑,雞滑是輕輕一撕就開。雞肉的肉汁得以鎖住,一人食上一兩隻都可以了!而且是無油的感覺!



Banana Split with Homemade Ice Cream

呢個甜品,極度特別,用上大蕉,焗熱後,變得綿綿軟軟。好似焦糖般。上面放上了自家制的雪糕,食上去才發現,是粟米雪糕,甜度不高,清新口感。一冷一熱,令人回味。



貪食的朋友,還可以點上肉桂條配朱古力醬,同樣味美!!

Verde MAR
灣仔大王東街24號地下







Like 我的Fans Page,可以有更多互動有趣的分享哦~~



Staice Blog 頻道: 

Blogspot  。. ゚★  WeShare.hk 。. ゚★ Beauty Life 。. ゚★
The Ztyle  。. ゚★ 
Wretch 。. ゚★ Beauty Exchange 。. ゚★ She Blog。. ゚★
Lady Qooza 。. ゚★ Fashion and Beauty 。. ゚★ Elle Blog 。. ゚★ U Beauty。. ゚★
StyleUp 。. ゚★ SheWin 。. ゚★ Glamabog 。. ゚★ Qooza Beauty 。. ゚★ 88DB 。. ゚★


How to Find Staice:

Email: staice_liu@yahoo.com.hk



Find Staice at Instagram: