2016年5月10日 星期二

逸東酒店星級中菜館


係剛過去的節日,當然要帶屋企人食好啲!揀咗逸東酒店逸東軒,就係想屋企人坐得舒服食得更好!!



頭盤,係逸東四錦碟。精緻得好似盤藝術品一般。四錦碟分別有:左起的芥香雲耳、話梅茄子、蜜汁叉燒以及脆皮燒腩仔。



雲耳,用上特別的芥茉去作調味,爽口彈牙而有芥香及微辣,很開胃的一款。而個話梅茄子,最初以為真係茄子,但原來是車厘茄。想不到,用上話梅去調醃,更有酸酸微微的開胃感。

而蜜汁叉燒,蜜味夠晒,入口叉燒鬆化,而且半肥瘦,更是令人回味。而個脆皮燒腩仔,更是最愛。外皮夠晒脆,甘脆咸香!兩舊真係會覺得食得唔夠。



這一個係「紙火窩南瓜燴燕窩」,造型十分特別!用上日式的紙火窩去做。可以Keep住個燕窩夠晒溫熱。



燕窩用上了南瓜燴佢,令燕窩會有金黃色的效果。而南瓜的甘甜,令到個燕窩無咁滯無咁漏,感覺上更為特別。



這一道叫做「雪地藏龍」的菜式,個名改得好威勢!想不㓚原來是燉蛋白呢!!上面有很大的蝦錄以及青菜作點綴。



大蝦,當真的十分大舊,而且賣相當真如龍一般。大蝦十分爽口彈牙,這是意料不及的地方。



入口不旦肉質彈牙,而且十分大隻的蝦球。而蛋白也燉得十分滑溜,想不到清清地,蛋味濃郁而且滑得出奇。



松露燒玉帶,最愛帶子的我也當然必食不可了!



帶子用上了黑松露汁去做,所以會有更香濃的咸香。而帶子好大隻,軟腍的肉質,鮮味十足!想不到咬落口,仲有彈牙感?!原來黎自底部所釀了的蝦膠!!令帶子變得更有咬口。也有蝦膠的鮮味!!



另一邊廂,有著十分香脆的外層,而內裡包裹著鮮嫩的帶子以及香脆的蘆筍,在咬的時候,更為有層次感。



蕃茄肉崧浸時蔬,這道菜不是普普通通地用上上湯浸就算。是加添了肉崧以及蕃茄粒,所以食起上黎,會更加有鮮味,更加特別。



陳皮沙薑生煎雞!這一道一上枱就香氣四溢,十分惹味!平時也很喜歡食這類啫啫雞煲。這道用上上等的陳皮以及沙薑去生煎新鮮雞塊。



肉質嫩滑,入口雞味濃郁,有著陳皮的香氣,令人十分喜歡~~



唔想食普通的白飯,可以考慮食這個「鮑汁迷你荷葉飯」。細細個,食起上黎也不錯。鮑汁加埋荷葉的香氣,令個飯變得更為有香溢層次。當中仲有甘香的咸肉等等。細細一個,食起上黎剛剛好。



最後甜品,不再是普普通通的紅綠豆沙,反而是這一款:「迷你蛋撻仔伴香芒糯米卷」。



蛋撻一絕,是即叫即整!香脆鬆化的撻皮,不會太油,剛剛好。蛋醬及火喉控制得宜,食起上黎有著半流心的感覺,滑溜非常!!



超薄糯半皮配上新鮮肉厚的芒果,造成香芒糯米卷,酸甜度剛剛好!

逸東軒
佐敦彌敦道380號香港逸東酒店B2






Like 我的Fans Page,可以有更多互動有趣的分享哦~~



Staice Blog 頻道: 

Blogspot  。. ゚★  WeShare.hk 。. ゚★ Beauty Life 。. ゚★
The Ztyle  。. ゚★ 
Wretch 。. ゚★ Beauty Exchange 。. ゚★ She Blog。. ゚★
Lady Qooza 。. ゚★ Fashion and Beauty 。. ゚★ Elle Blog 。. ゚★ U Beauty。. ゚★
StyleUp 。. ゚★ SheWin 。. ゚★ Glamabog 。. ゚★ Qooza Beauty 。. ゚★ 88DB 。. ゚★


How to Find Staice:

Email: staice_liu@yahoo.com.hk



Find Staice at Instagram: