2012年12月5日 星期三

100蚊有找0既聖誕大餐?雞咁腳去食啦~~


聖誕大餐,一定要有火雞!
咁大隻,啱無?!

邊個話,聖誕大餐,一定貴到死?!
100蚊有找,仲要任食,你話抵唔抵?


就算加多HK$15,任飲,加埋一,都係HK$125
而且飲品唔止有多款汽水,仲有橙汁、烏龍茶呢~~
咁抵係邊度搵?!


1000 YAN放題鐵板燒肉店啦~~


我哋幾個好姊妹,又再出動搵食!


今次食平啲,去1000 Yan
0既係介紹唔同的聖誕餐特色餐廳!
豐檢由人,咁鬼平,真係雞咁腳要衝去試!

位於九龍佐敦道31-37號百誠大廈1B舖的1000 Yan 放題鐵板燒肉店,環境都好舒適!

呢度同出面的日式燒肉放題唔同。
用的是這種方形的鐵板。
上面有一層「紙」~~~


「紙」?!@@


無錯!就係可吸油也可以燒的日式紙火鍋那種紙!


咁樣,無論你燒幾耐,燒乜嘢,都唔會有「鍋屎」、「鍋撈」。
同埋,換就直接換紙,唔使換鐵板,更方便快捷!


還可以順道吸下油!一舉多得!


而且每個鐵板上方都有個強力抽油煙口,咁就唔怕燒完成身味了!


係呢度,啲肉類雖然有調味!
1000 Yan 還細心地提供多款不同醬料,等你可以燒嘢0既時候,按自己喜好加調味料!廚神仲唔係你?!^^

唔好以為,HK$98任食,啲款式同食材質素就會「將將就就、拉拉扯扯」?!
等我show 俾你睇!


這是蔬果類的區域!
~~~ 燒肉放題店都有咁多蔬果類的款式!


你唔想多肉少菜?黎呢度就啱晒!
咁多款,每樣食均都好快會飽!XD


串燒類的款式也有很多!


除了雞軟骨、雞腎、雞肉、還有雞皮!
哇,雞皮必燒!唔油又香口!好鬼正!
而其他串燒,都好有日式爐端燒的水準!


另一邊箱,還有其他肉類!



有牛、有豬、有不同調味過的雞肉等等。




WOW~~ 我唔客氣啦~


還有還有!海鮮啊!!!!


呢度燒0既海鮮種類也是多到爆!


有魷魚、帆立貝、蟶子、蠔、鮮蝦、秋刀魚、青魚等等!


瀨尿蝦!
你以為就咁燒好食?


其實用清酒蜆的酒煮瀨尿蝦仲正!
鮮甜入味!大家可以試試!



當然,就咁整清酒煮蜆也是味美的!


係另一邊,有個櫃位係專人幫你拎肉類。點解?
因為呢個櫃位0既牛肉及豬肉,都是日本空運的優質肉類!
當中有日本黑毛和牛、黑豚肉等等!


有不同部位肉類。有部位有調味過的。
就算無調味,就咁燒,也好好食啊!


話到明聖誕,估唔到連火雞肉都有得燒!@@



而且唔鞋,又幾好食喎~~


仲有仲有!每位提前訂位的,還可以有一人一隻大虎蝦!


超大隻,新鮮及肉質彈牙!

而且,每兩位惠顧,還會送一客三文魚刺身!正到暈!

呢個聖誕,仲唔快啲黎訂位食返個平價聖誕大餐?!^^


1000 Yan 放題鐵板燒肉店地址:
九龍佐敦道31-37號百誠大廈1B
地鐵佐敦站A出口轉右

電話:2782 3013

營業時間:星期一至日,晚上530分至凌晨2
付款方式:VisaMaster、現金,設加一服務費。

價格              逢星期五、六、日、公眾假期及前夕另架
午巿HK$58加一  …………………….. HK$10
晚巿HK$98 加一  ……………………. HK$20
消夜HK$78 加一  ……………………. HK$20


Staice Blog 頻道:


Yahoo Blog 
The Ztyle