2011年12月21日 星期三

病鬼女英姿?@@ Hea爆蘇梅島之‧病‧住‧遊 (Part Three)






上一篇,好慘地交代咗,Staice 因食物中毒,搞至肚痛肚痾!
成晚無得瞓!
而原先這一天,要出去外島遊也不能了!
因為痾到腳軟啊陰公! T^T

最後,天未光,唯有打電話去同LOCAL TOUR講改期。
好彩,有良心的LOCAL TOUR肯俾我改又唔使罰錢!

想知邊一間?下一篇俾資料大家!!^^

好難得,Staice 痾到5 點才可以睡得了覺。
瞓咗三個鐘,落樓食點早餐後再去醫院。



好彩有帶住本旅遊書,雖然地圖有啲方位唔係十分準確。
但係都有致上0既醫院圖示。
再問一問酒店,原來地區醫院好近我哋間酒店。

最後,選擇行過去。
因為我腳軟,所以行十五至二十分鐘先行到去。

其實,個邊既醫院雖然唔係話好靚,但係啲人好鬼NICE。
因為醫院無我哋遊客RECORD。
所以睇醫生前都要量血壓驗好多唔同0既嘢先~~~

最後,因為改期第二天才出島,我怕肚痾唔知幾時好。
都要求醫生幫我打支針。

係呢度,我會覺得大家無論去邊度旅行。
買定保險比較好。

呢啲情況,我就CLIAM得返錢啦~~




去旅行又點可以唔玩?
見打咗針,就膽粗粗咁跟我大帝去玩實彈射擊!!!

支支都係真槍玩真彈架~~~

其實係Staice 第一次玩,好鬼驚青!XDDDD



其實個場都幾簡陋~~~



初學者,要聽清楚指示,同埋帶返個護耳罩啊~~ ^^



唔好睇少呢度咁簡陋。
其實槍款型號都有十幾廿支!
短槍AK都有~~ 任君選擇~~~

PS. 玩槍係幾貴架~~~~ 我哋玩咗幾支槍,大約玩咗八個字左右就用咗成千港紙啦~~



唔識入彈?唔緊要,有專人幫你~~
如果你識,你自己黎都得~~~~~~~~



英唔英啊?XD
唔講唔知幾個鐘前仲病到死死下!
而家黎學人玩槍!

我有中紅心架~~~~



呢支咁0既巨嘢,我無玩!
我大帝話個後座力好強!
佢開完兩三槍都要抖抖!
因為要腕力勁先捉得穩!
如果唔係唔知開咗去邊~~~~

粒子粒仲要直徑成四五CM咁闊架~~~


十槍後,大帝俾支槍撞到損鬼咗!@@



最後睇睇我哋兩個0既戰績!
都唔差架~ HAHA



病病地,走咗去超級巿場SHOPPING~~~~



呢度0既超巿跟美國英國的一樣大!
是特級巿場呢~~~~~~~~~~~~~~



最後SHOPPING完,去食LUNCH。
不過這碟東東,我只食得下幾條薯條加雞翼咋~ T^T



之後,返酒店做SPA~~~

提一提大家,如果想做SPA,最好就前一日做BOOKING。
如果WALKIN去,好有可能會無位做哦~~~~~~~

這一間,是酒店內的SPA。
雖然,無上次我去布吉個間咁靚。
但就六百蚊港紙做足全套,都算抵。



嘻!扒咗係度等人服待嚕~~~~ XDDDDDD


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

做完SPA,個人都舒服返啲。
開始有返啲胃口去食嘢。

雖則,醫生話唔食得油膩嘢同生嘢!
但海鮮,還是照食~~~~ XD



生蠔唔敢食,留返俾大帝。
我食0既係熟海鮮~~~~~~~~



再黎冬蔭公!
呢一間,有點椰香味,好鬼好飲~~~


睇下,呢間冬蔭公啲海鮮料好足架~~~~



海鮮,當然唔係食黎食去個幾樣!
今次食龍蝦!
第一隻黎個泰式0既~~~
俾店員呃話檸檬味。係啊~~ 放兩片係面,其實好鬼辣!

所以我唔敢食太多,怕又肚痾!



再黎BBQ的,比較啱我呢個病人食~ ^^


還有蟹哦~~ ^^


下一篇,外島游,留意啦~~~ ^^



Staice FacebookStaice Liu/ Paradise Garden
Staice Weibohttp://weibo.com/staice
Staice Emailstaice_liu@yahoo.com.hk





各位美女,Staice 剛開了自己的Fans Page。
由今天起直致
1月10日,凡Like了我Fans Page 及Share到自己的Wall度的美女們,即會進入抽獎環節多達廿份精美禮品!